साखरीटोला-: (रमेश चुटे) नागपूर येथे हिवाळी अधिवेशनादरम्यान खा.प्रफुल पटेल यांनी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, व अजितदादा पवार यांना भेटून शेतकऱ्यांना अवकाळी पावसामुळे झालेल्या नुकसानीची भरपाई व डीबीटी च्या माध्यमातून बोनस स्वरूपात मदत करावी यासंबंधी चर्चा करून निवेदन देण्यात आले. यावर्षी नोव्हेंबर, डिसेंबर महिन्याच्या सुमारास अचानक झालेल्या अतिवृष्टीमुळे पूर्व विदर्भातील धानपिक आणि कडधान्यांचे मोठ्या प्रमाणात नुकसान झाले. अवकाळी मुळे झालेल्या नुकसानीचे तातडीने सर्वेक्षण करून पंचनामे करावे व शेतकऱ्यांना तात्काळ नुकसानीचा मोबदला देण्यात यावे तसेच डीबीटी च्या माध्यमातून शेतकऱ्यांना प्रति हेक्टर 25,000 हजार रुपये मदत जाहीर करावे असे निवेदनात नमूद असून यासंदर्भात खा. प्रफुल पटेल यांनी नागपूर येथे सुरू असलेल्या हिवाळी अधिवेशनात राज्याचे मुख्यमंत्री ना. एकनाथ शिंदें, उपमुख्यमंत्री, देवेंद्र फडणविस उपमुख्यमंत्री, अजितदादा पवार, अन्न व नागरी पुरवठा मंत्री छगन भुजबळ यांना भेटून सविस्तर चर्चा केले निवेदन देते वेळी आ. मनोहर चंद्रिकापुरे, आ. राजू कारेमोरे, आ. विनोद अग्रवाल, आ. विजय राहांगडाले, माजी आमदार राजेंद्र जैन, माजी आमदार गोपालदास अग्रवाल, सुनील फुंडे अध्यक्ष, बिडीसीसी उपस्थित होते.
