सुप्रिया सुळे, प्रफुल्ल पटेल राष्ट्रवादीचे नवे कार्यकारी अध्यक्ष; शरद पवारांची मोठी घोषणा

सुप्रिया सुळेंना मोठी जबाबदारी तर अजित पवार बैठक सोडून निघून गेले !

राष्ट्रवादीच्या २५ व्या वर्धापनदिनानिमित्त दिल्ली येथे आयोजित कार्यक्रमात शरद पवार यांनी ही घोषणा आज (दि.१०) केली. मध्य प्रदेश, गुजरात, राजस्थान, गोवा, झारखंड या राज्यांची जबाबबदारी प्रफुल्ल पटेल यांच्याकडे देण्यात आली आहे. तर महाराष्ट्र, हरियाणा, महिला, युवक- युवती, आणि लोकसभेची जबाबदारी सप्रिया सुळे यांच्याकडे देण्यात आली आहे.

देशातील तरूणांपुढे सर्वात मोठी समस्या बेरोजगारीची आहे. तरूणांना रोजगाराची संधी मिळत नाही. देशात ९ वर्षांपूर्वी भाजपची सत्ता आली. पण जनतेला दिलेली आश्वासन पूर्ण करू शकलेले नाहीत. त्यामुळे देशातील अनेक राज्यांत भाजपचा पराभव होत आहे. देशात बदल होत आहे. अनेक राज्यांनी भाजपला दूर ठेवलं आहे. देशात परिवर्तन करायचं असेल, तर संघटन मजबूत करायला पाहिजे. २३ जून रोजी सर्व विरोधक बिहारमध्ये एकत्र येत आहेत. सर्वांनी मिळून काम करूया आणि देशात परिवर्तन घडवूया, असे आवाहन शरद पवार यांनी केले आहे.

Author: Elgar Live News